الكلام متشوق يقول بس مش لاقي مخرج ومش لاقي الطريق علشان يتقال
ولو كان الطريق سكوتي هسكت وفي نفس الوقت هلاقية يتقال
الدنيا غربة ومتغربة بين البشر أصل البشر في الغربة بتقلب معاهم توهان
وانا تايه وسط غربتي وغربتي مهش صحبتي
الدنيا زي القطر مبتقفش علي حد ولا بتعزي حد اصلها سياف وقت الحكم ينزل السيف مهو معزور دا اسمة سياف
برضوا بحاول الاقي طريق لكلامي ومش عاوز يطلع
طيب افكر يطلع ازاي يمكن علشان حبسة وسط احساس اليأس ولا علشان ايه بالضبط
حالي مهوش حالي
وكلامي مهوش كلامي
وخلاص الطريق لازم يكون ...... الطريق لازم يكون
مستغربين من كلامي مهي دي مصر وسط الغربة والتوهة وسط الكلام اللي مهوش كلام وسط صراخ الفرد علشان يلاقي كلام
البلد زي الخرابا والديابة بقت يا عيني مستخبية في ريش النعامة
الكل بقي لية صوت عالي بس للأسف كلام واحد مش داري
بحبك وعلشانك بقول كلام ملوش حق يقول انتي مني