حياتي ولازم ارسمها بخطوط اديا ومش لازم اشف رسمة اي حد تاني ولا حتي استوحي رسمتي من حد غيري
يعني حياتي هي المفروض اللي تتقلد
مشين علي طريق طويل أوله مش عارفينه علشان الطريق بدايتة مغاره لازم نعدي المغارة علشان نلاقي طريقنا
والمغاره كلها ديابه وصوتها عالي قبل منحاول نكتشف ايه في المغاره
مهو الشجاعه لو تتولد في يوم وليله
يبقي الحل الوحيد ندخل
ولو كانت الشاجعه محتاجه ولاده كيثرية يبقي مفيش فايدة
هنضحي بالجنين علشان تموت الأم وهي بتنزف وبتصرخ من الألم
والدموع تسيل علي خدودنا ونقول الف اه والألم يقتلنا ونرسم علي وشوشنا ابتاسمة الرضا بالقهر والضياع
هو مين هي مين
الدموع هي الدموع
السكوت هو السكوت
الضحكة صفره ومسخه زي يوم تعب من غير مقابل
مقابل
م الشجاعة كانت اكبر مقابل م نختار طريق الشجاعة
وندخل المغارة
وحتي ولو جوانا يأس كبير بس الاكبر شجاعة وايمان اننا هنلاقي الطريق
علي فين يا فكر موديني علي فين واخدني وهترميني
ليه نسلم ونرفض نتكلم
ليه منقولش ونسبهم يقولوا
شجاعه وسط الديابه زي الاسد بزئيره تترعب الديابه
ويترسم الطريق ونلون الطريق ونشوف الصورة اللي طلعت مشفوفه ولا فيها ريحة ولون اللي رسمها
العقل شارد وناسي هو مين
ياااااااااااااااااااه دي الصورة طلعت اجمل ما يكون
ليه ثابتين في مكانا والصورة في عنيا مش هقدر انساها
نحبي نمشي نجري زي ما يكون المهم نحاول في الطريق ومهما يكون الثمن
نحارب نخاطر نسلم نتكلم المهم النتيجة تكون زي محنا حولنا
المحاولة شرف كبير لاي حد بس مش اي حد يحاول
الادوار
فارس
حصان
قطيع
شوية غنم ومعيزز
و سيف
يا تري هنقرأ دور مين اصل الموضوع قدر وسهم اعمي بيصيب و مبيحذرش

وما زال الانتظار هو الامل الوحيد

الكلام متشوق يقول بس مش لاقي مخرج ومش لاقي الطريق علشان يتقال
ولو كان الطريق سكوتي هسكت وفي نفس الوقت هلاقية يتقال
الدنيا غربة ومتغربة بين البشر أصل البشر في الغربة بتقلب معاهم توهان
وانا تايه وسط غربتي وغربتي مهش صحبتي
الدنيا زي القطر مبتقفش علي حد ولا بتعزي حد اصلها سياف وقت الحكم ينزل السيف مهو معزور دا اسمة سياف
برضوا بحاول الاقي طريق لكلامي ومش عاوز يطلع
طيب افكر يطلع ازاي يمكن علشان حبسة وسط احساس اليأس ولا علشان ايه بالضبط
حالي مهوش حالي
وكلامي مهوش كلامي
وخلاص الطريق لازم يكون ...... الطريق لازم يكون
مستغربين من كلامي مهي دي مصر وسط الغربة والتوهة وسط الكلام اللي مهوش كلام وسط صراخ الفرد علشان يلاقي كلام
البلد زي الخرابا والديابة بقت يا عيني مستخبية في ريش النعامة
الكل بقي لية صوت عالي بس للأسف كلام واحد مش داري
بحبك وعلشانك بقول كلام ملوش حق يقول انتي مني